माझ्याविषयी……..

 

मी सौ. प्रज्ञा रविंद्र महाजन(कुलकर्णी) .बी.ई(ईलेक्ट्रॉनिक्स) .

माहेर कोल्हापुर ,सध्या वास्तव्य नाशिक .

कॉम्प्युटर हार्ड्वेअर , नेटवर्किंग (विशेषत: Server Administration) हे आवडीचे विषय . Microsoft Server 2003 मध्ये MCP Certification झाले आहे. पण माझ्या लहान कन्येला वेळ देता यावा म्हणुन स्वेच्छेने ‘करिअर’ करायचे नाही असे ठरवले. माहेरी परंपरा शिक्षकाची…….आई ,आजोबा (दादा) हे शिक्षक…. मलाही शिकणे व शिकवणे याची आवड…. त्यामुळे आवड व शिक्षण याचा मेळ घालुन सध्या lecturer म्हणून job करते आहे .

मराठी वाचन हा वीक पॉईंट……. त्याला विषयाचे बंधन नाही. त्यामुळे पु.ल., व.पु., श्री.ना.पेंडसे पासून ते अच्युत गोडबोले पर्यंत सर्वांचे लिखाण आवडते. आवडते लेखन श्री.ना.पेंडसेंचे ‘तुंबाडचे खोत’ भाग १ व भाग २, व.पुंचे ‘पार्टनर’ , ‘दुनियादारी’ , पु.लंचे बहुतेक सर्व….. .

मला कविता ,कथा , कादंबरी , लघुकथा , अनुवाद सुद्धा आवडतात.

मनात आलेले विचार व्यक्‍त करण्यासाठी काहीतरी माध्यम हवे होते. तन्वी , महेंद्रजी , सुहास , गायत्री यांचे ब्लॉग वाचुन स्फूर्ती मिळाली व आपणही लिहायचा प्रयत्‍न करावा असे वाटले. बघु कितपत जमतेय ते!!!